2008年1月20日

呀....頭痛!

係我衰........係我當初發夢都冇諗過副卡會有咁多朋友鐘意......更諗唔到累大家撲個空......

今日我收到好多e-mail,每一封我都好仔細咁睇:

好多朋友話想買黎做生日禮物;亦有朋友從新界、九龍過來太古買幾副、更有朋友響外地黎到,想買返家鄉做手信!

但...要講好多聲唔好意思... 我手頭上已經冇哂......再有0既話我一定第一時間通知大家!!

我已好努力抽時間去製作......做好0既大部份已經畀哂kubrick賣,所以只係剩返一部份分到無印良品站......仲要留返部份放響下一站pageone 賣.......連留畀朋友果0的亦都已經割愛......但始終都唔夠賣.......

本來,我諗住依個只係個小眾0既手作玩意,但目前黎睇,貨量的確唔能夠滿足大家0既要求!!大家都唔好怪無印良品,佢地都只係借個場地畀我地做展覽,對我地已經算仁至義盡。

撲空0既朋友,唔好失望,相信你地都知道依副字卡將會正式出版。我已在全力籌備中,為左你地,我會開TURBO 嫁喇!(其實「開TURBO」係咪已經唔夠潮呢?HAHA) 到時保証貨量充足,而且內容必定「升呢」!,請大家拭目以待!!!有大家一直支持,將會有更多創作計劃繼續進行!

好多謝大家都當我係朋友,係朋友0既話,就要繼續支持我喇!!

其實,我地依個「自發作書展」仲有好多有創意0既好書,有好多個單位都做得比我好,我特別鐘意做到成隻CD樣0既果本《躲貓貓》、另外有本叫《腰骨》0既都唔錯。請大家繼續多多支持我地依班創作人!另外,大家可以響無印良品本留言冊度留下言、畫下野比畀又得!

朋友們,多多得罪,有意見0既可以直接送個 e-貓畀我!

^_^''

7 則留言:

babemilk 說...

我呢個心急既新界人終於都係忍唔住
所以今日最後都係花左幾十蚊+幾個鐘來回
飛左出太古城

佐係可惜店員話賣晒
撲個空, 仲俾男友黑臉左成日 ~>_<~

Francis wong 說...

hello~
先多謝真真咁叻叻創作到呢款咭,搞到我今日都去左.十點二去到已經排第十、十一左右,可惜都係買唔到.
其實都唔關真真係既事,事實你話係親手做,所以得少少都冇辦法~如果我係排第一個,我又真係會買多幾盒幫朋友買埋喎.少少失望都有既,不過你話會開始大量發售,咁我到時再買啦!
同埋下次去又一城都要小心出現今日既場面~(估唔到創作新咭都會附帶呢d問題==")

最緊要,係我非常支持創作的喇!加油呀!期待更多新潮語既新一代咭!

上次買左個包家庭什餅,我覺得好靚呀!真真可唔可以幫我多謝佢?

匿名 說...

等緊你既字卡出版呀~~到時一定要買返幾套~
我有朋友起澳洲叫我幫佢買一套,之後佢會拎d咭黎教d澳洲長大、唔太識廣東話既朋友仔,你d咭好有用架!可以幫佢地update返d 廣東話 :p

努力呀~~

匿名 說...

引頸以待中
加油呀蘇真真!

匿名 說...

大年初四兼農曆新年公眾假期最後一日又搭住星期日......
小妹今日去太古無印,一行入鋪頭,已經俾你「本」(因為張張都俾人響左上角打o左個窿,同埋用魚絲穿住。)「香港潮語學習字卡」吸引住!
插圖精美、例子啜核,真係又係要用果個四個字去形容—(睇到我)「會心微笑」。
最後我真係有留埋言先走o架!
呢,果個用綠色筆寫字、d字又化化地o既「Kai"火羅"Cathy」呢!(cathyyaukw@hotmail.com)

匿名 說...

Hey there practical document. I had created a bit difficulity watching the next
few paragraphs onSafari although, not sure precisely why?
Feel free to surf my homepage ... Online Auto Insurance

匿名 說...

Whoa! Thank you! Which i wanted to produce in my web site
as well. Can I have a fragment of this article for you to my site?
My web page > Genital Warts Removal