2008年8月12日

奧運 ...爭.....口氣?

自從奧運開始後,每天晨早就與電視機為伴,整天由早到晚與呀爸呀媽不停大嗌加油加油,鬼煞咁嘈。

奧運最令我期待的體操、跳水、籃球當然精彩,但想不到舉重、激流划艇、射擊都可以如此刺激。

每屆的奧運主持都會被人投訴不夠專業,其實好無謂,大家是看奧運還是看主持?還是不要對他們期望太高吧。但聽著男主持整天不斷硬搞笑,女主持又攝時間硬插嘴,令我很懷念小時候看動物奧運會那隻「蛇蛇」的鬼馬旁述!(不知道大家還記不記得有〈動物奧運會〉這套卡通,haha)

除了動物奧運會外,我還記得閃電傳真機曾經在某年奧運製作了一首奧運主題的兒歌,不只歌詞生動活潑,主唱者更「鏈」住把死人聲扮細路腔,電視台當年將這歌不停重播又重播來轟炸我小時候的耳朵:

〈小小運動會〉
你我不分界限 決意高峰要攀
各國分享競技 友愛心中永記

大象,螞蟻,一齊起步走
海豚,海馬,一齊游游游
莫問強弱,只要奮鬥

你我不分界限 決意高峰要攀
各國分享競技 友愛心中永記

自由體操,最叻係馬騮
跳高跳遠,最尾大水牛
友誼係一,比賽係二

你我不分界限 決意高峰要攀
各國分享競技 友愛心中永記

熊人推鉛球,跌得太過近
小豬擲鐵餅,緊張到想暈
莫問得失,參與最要緊

你我不分界限 決意高峰要攀
各國分享競技 友愛心中永記


不知道大家還記不記得有過這樣的一首歌,其實忘記了也不要緊,因為在很多年後的今天,新人勝舊人,有一首更轟炸的〈活力健康操〉於奧運前出爐,讓大家一邊聽歌一邊跳舞一邊迎奧運!

而〈放學ICU〉更舉辦了「活力健康操挑戰賽」讓各中學尖子一顯身手,為不同學校拍攝一場又一場激烈的比賽。未聽過此曲的怎算得上是香港人?起來起來起來,我們萬眾一心,作出最後的吼聲,齊唱:「我要我要永遠健康,我地一齊健康地活在香港 X 10000次」



聽聞奧運前,香港很多中、小學生都被迫日練夜練這套舞步......睇過比賽片段後,是不是立即覺得這一代幸福的學生都有淒慘一面?

最反高潮係發現入面有個參賽女學生叫「林寶堅」...佢老豆恨買跑車je...都唔使搵個女個名黎教飛下話? (唔好比我批中,如果依個女學生有個妹妹既話,一定會叫做「林寶尼」)

全隻舞fast forward 都要2分鐘先完......辛苦哂喇,譚玉瑛姐姐同一班可愛的小朋友們 :

8 則留言:

匿名 說...

呢排聽得最多既"我地就係奧運!"
你參透到佢既意思嗎?哈哈~

匿名 說...

......
我居然識唱首《小小奧運會》......

匿名 說...

我都記得《小小奧運會》點唱呀...^^
我覺得好好聽...可能以前聽得太多喇...haha

蘇真真* SoRealReal* 說...

vicky:
有甚麼意思的?我只知道他們是世界獨家負責拍攝馬術的電視台,所以就話自己就是奧運.....

k
haha ,唔出奇哇~~我諗2 字頭的朋友大都識唱哂全首!

匿名:
當年日播夜播...轟炸到我地而家都記得!

匿名 說...

一字頭唔識唱啊!!!!點算好啊^^

匿名 說...

阿sir,小小運動會係卡啦ok有得唱~可惜我係奧運之前都未找到佢mp3,如果唔係我想用來做鈴聲。

蘇真真* SoRealReal* 說...

yukiiris,

我有日唱K 專登去搵!原來真係有!!
但我唱左一陣就頂唔住要SKIP 喇...
HAHAHA
你搵到MP3 再話我知!

匿名 說...

講起〈動物奧運會〉, 我一直都想睇返...但始終都冇機會

頭先省起想睇返,又唔知點解我突然記得佢個英文名, 結果響youtube搵返
原來有兩套架, 舊D果套叫Zoo Olympics, 新D果套叫Zoo Cup

http://www.youtube.com/watch?v=-q3RXohMYKs&feature=related

http://www.youtube.com/watch?v=d80XFZjYLUY&feature=related

可惜冇廣東話版, 連英文版都冇
我好鐘意廣東話版個旁述, 講野好抵死