呀....頭痛！

係我衰........係我當初發夢都冇諗過副卡會有咁多朋友鐘意......更諗唔到累大家撲個空......

今日我收到好多e-mail，每一封我都好仔細咁睇：

好多朋友話想買黎做生日禮物；亦有朋友從新界、九龍過來太古買幾副、更有朋友響外地黎到，想買返家鄉做手信！

但...要講好多聲唔好意思... 我手頭上已經冇哂......再有0既話我一定第一時間通知大家！！

我已好努力抽時間去製作......做好0既大部份已經畀哂kubrick賣，所以只係剩返一部份分到無印良品站......仲要留返部份放響下一站pageone 賣.......連留畀朋友果0的亦都已經割愛......但始終都唔夠賣.......

本來，我諗住依個只係個小眾0既手作玩意，但目前黎睇，貨量的確唔能夠滿足大家0既要求！！大家都唔好怪無印良品，佢地都只係借個場地畀我地做展覽，對我地已經算仁至義盡。

撲空0既朋友，唔好失望，相信你地都知道依副字卡將會正式出版。我已在全力籌備中，為左你地，我會開TURBO 嫁喇！(其實「開TURBO」係咪已經唔夠潮呢？HAHA) 到時保証貨量充足，而且內容必定「升呢」！，請大家拭目以待！！！有大家一直支持，將會有更多創作計劃繼續進行！

好多謝大家都當我係朋友，係朋友0既話，就要繼續支持我喇！！

其實，我地依個「自發作書展」仲有好多有創意0既好書，有好多個單位都做得比我好，我特別鐘意做到成隻CD樣0既果本《躲貓貓》、另外有本叫《腰骨》0既都唔錯。請大家繼續多多支持我地依班創作人！另外，大家可以響無印良品本留言冊度留下言、畫下野比畀又得！

朋友們，多多得罪，有意見0既可以直接送個 e-貓畀我！

^_^''

the next station is 無印良品站！

多謝生果報在沒有知會我的情況下在港聞版刊出本字卡的資料及本人的照片：

http://appledaily.atnext.com/template/apple/art_main.cfm?iss_id=20080117&sec_id=4104&subsec_id=6238241&art_id=10653472

生果報讀者群廣泛，相信此後有更朋友會從而得知這套作品的存在。不過內文中提到「蘇真真將潮語化為商機」，就不敢苟同，推出這套卡真的難以說得上是一種商機。這三站書展所推出的字卡全都是人手製作，每一盒都花盡時間心血，雖然反應熱烈，但扣除成本，我的時薪比賣漢堡包的還低。

正如我在字卡的前言上所說，我的創作目的，只是「希望大家好好愛惜我們的香港話」，所以就算賺到的只夠買幾個叉燒包，也會堅持繼續創作！

下一站書展將會在本月二十日於太古城中心無印良品舉行，明白售賣的地點對很多朋友來說不太方便，而貨量亦不足應付讀者的需求，但買不到的朋友也別愁，本人正與本地某出版社籌備正式出版事宜，屆時將會在各大書局發售，為了做到最好，需要多一點時間籌備，煩請大家耐心等待最新消息。

不過，想購買《自發作書展—初回手製限量版》的朋友，就只有最後兩站的機會了。

再次感謝各位朋友的支持！！

最新消息

剛獲Kubrick通知，第三批字卡早在返貨的第二天售罄。萬分感謝各位對獨立創作的支持，但要向眾多未能在Kubrick購買的朋友致歉。

Kubrick方面有向我反映，依然有許多讀者希望購買字卡，無奈展期將近尾聲，而字卡製作需時，故將不會再有第四批字卡在Kubrick發售。

有興趣的朋友，可考慮移玉步到下兩站發售地點購買。但數量依然不多，為免各位白行一趟，可在開售後先致電查詢存貨數量：

第二站：
無印良品(太古城中心店)
20/1/08(Sun) 至 10/2/08(Sun)
時間：10:30am ~ 21:30
香港太古城中心地下066-066A店(太古城地鐵站D出口/店舖電話: 2513 0789 )

第三站：
(又一城)Page One
16/2/08(Sat) 至 16/3/08 (Sun)
時間：10:30am 至 10:00pm
九龍塘達之路80號又一城LG1 30號舖 (九龍塘地鐵站又一城出口/書店電話: 2778 2808)